تحریک انصاف وفاق ہی میں نہیں پنجاب میں بھی حکومت بنائے گی، معروف صحافی نے اہم ترین Imran khan

نواز شریف کی گرفتاری کے بعد حالات یکسر بدل گئے

تحریک انصاف وفاق ہی میں نہیں پنجاب میں بھی حکومت بنائے گی، معروف صحافی نے اہم ترین پیش گوئی کر دیعباس  ہفتہ 14 جولائی 2018  20:20

لاہور (اردوپوائنٹ تازہ ترین اخبار-14جولائی 2018ء) ::نواز شریف کی گرفتاری کے بعد حالات یکسر بدل گئے ۔معروف صحافی سہیل وڑائچ نے اہم ترین پیش گوئی کر تے ہوئے کہا کہ اگر مسلم لیگ ن مزید اخلاقی طور پر ڈاون رہی تو تحریک انصاف وفاق ہی میں نہیں پنجاب میں بھی حکومت بنائے گی ۔تفصیلات کے مطابق پنجاب کو مسلم لیگ ن کا گڑھ سمجھا جاتا ہے۔تاہم موجودہ صورتحال میں مسلم لیگ ن کو سخت مزاحمت کا سمان کرنا پڑرہا ہے۔

مجموعی طور پر مسلم لیگ ن اس وقت اپنے مشکل ترین دور سے گزر رہی ہے۔ایک جانب مسلم لیگ ن کی مرکزی قیادت کرپشن کیسسز میں پھنسی ہوئی ہے اور دوسری جانب مسلم لیگ ن کے بڑے بڑے ناموں نے اپنی پارٹیوں کی پے در پے غلطیوں کے بعد مسلم لیگ ن سے ہاتھ کھڑے کر دئیے ہیں ،ایسے مشکل حالات میں مسلم لیگ ن کو الیکشن کا مرحلہ درپیش ہے۔

کل نواز شریف اور مریم نواز کی گرفتاری کے بعد صورتحال جو رخ اختیار کرچکی ہے اس میں ملک بھر کے علاوہ میں بھی مسلم لیگ ن بیک فٹ پر آچکی ہے۔

اس حوالے سے بات کرتے ہوئے معرف صحافی سہیل وڑائچ نے مسلم لیگ ن کے لیے خطرے کی گھنٹی بجا دی اور سہیل وڑائچ کا کہنا تھا کہ مسلم لیگ ن کا ووٹ بینک ابھی بھی سینٹرل پنجاب میں موجود ہے لیکن اس کے باوجود مسلم لیگ ن اس پوزیشن میں نہیں ہے کہ وہ جیت کر حکومت بنا سکے۔انکا کہنا تھا مجھےنظر آرہا ہے کہ اگلی حکومت تحریک انصاف کی ہو گی کیونکہ وہ بلوچستان ،جنوبی پنجاب اور کے پی سے اچھی سیٹیں جیت کر مخلوط حکومت بنانے کے قابل ہو گی ۔

انکا مزید کہا تھا کہ اگر ن لیگ پنجاب میں اخلاقی حوالے سے ایسے ہی بیک فٹ پر رہی تو تحریک انصاف پنجاب میں بھی حکومت بنا لے۔انکا کہنا تھا کہ پہلےشہباز شریف کے پاس پنجاب میں حکومت بنانے کا چانس تھا لیکن اب نہیں لگتا کہ کیونکہ جیسے مزاحمتی سیاست شہباز شریف شروع کرنا چاہ رہے ہیں وہ کچھ حلقوں کے لیے قابل قبول نہیں ہوگا۔